Presidenti i Ukrainës, Volodymyr Zelensky, ka firmosur një dokument, ku kërkon anëtarësimin e vendit në Bashkimin Europian, teksa luftimet me Rusinë vijojnë në disa rajone.
Përfaqësuesi i lartë i politikës së jashtme të BE-së, Josep Borrell i është përgjigjur kësaj kërkesë.
Sipas tij, anëtarësimi i Ukrainës në BE do të kërkojë vite, ndërsa shtoi se nuk është koha për të menduar këtë gjë.
“Anëtarësimi është diçka që do të kërkojë shumë vite, ndërkohë që duhet të japim përgjigje për orët e ardhshme”, u shpreh Borrell përpara takimit të ministrave të Mbrojtjes.
