Një javë pas sulmit terrorist që tronditi botën, mijëra njerëz u mblodhën në qytetin Christchurch të Zelandës së re, në nderim të 50 besimtarëve muslimanë që u vrane teksa po kryenin faljen e të premtes në dy xhami.
Të pranishmit, mes tyre kryeministrja Jacnda Ardern, mbajtën 2 minuta heshtje jashtë objektit të kultit në Ëellington.
Duke ju drejtuar rreth 5 mijë njerëzve në xhaminë al-Noor, kryeministrja tha se “Zelanda e Re është në zi, e ne jemi një.
“Profeti Muhamed, paqja qofte mbi të, tha se besimtarët në dashamirësinë e tyre, dhembshurinë e tyre, janë si një trup. Kur një pjesë e trupit vuan, i gjithë trupi ndjen dhimbje. Zelanda e re mban zi për ju, ne jemi një.”
Në mesin e myslimanëve, ishin të pranishëm edhe qytetarë të besimeve të ndryshme fetare. Ata bashkuan duart me njëri tjetrin, duke formuar në mënyrë simbolike një zinxhir të pathyeshëm, për të mbrojtur besimtarët gjatë faljes së Xhumasë.
Solidarizimi nën moton “Ne jemi një”, vjen vetëm një jvë pas vrasjeve macabre në xhamitë Al Noor dhe Linëood që u mori jetën 50 besimtarëve myslimanë. Autori i sulmit ishte 28-vjeçari australian Brenton Harris Tarrant, një nacionalist i vetëshpallur, e tashme i arrestuar.
Një ditë më parë kryeministrja Jacnda Ardern njoftoi se të gjitha armët luftarake, automatike dhe gjysmë-automatike do të ndalohen. Ndërkohë që parlamenti pritet ta miratojë vendimin në mes të muajit prill.
