Dy vëllezër banues në fshatin qerekë të Fushë Krujës kanë rënë në pranga pasi u zbulua se kishin kthyer banesën e tyre në ‘shtëpi bari’.
Në banesën e Shpëtim Halilit u zbuluan 2 ambiente që furnizoheshin me lidhje të paligjshme të energjisë elektrike dhe që ishin përshtatur me llamba dhe pajisje të tjera për kultivimin e bimëve narkotike në ambiente të mbyllura.
Gjatë kontrolleve në këto ambiente, efektivët sekuestruan 268 bimë të dyshuara narkotike kanabisi, 51 llamba, 1 aspirator, 2 ventilatorë dhe 51 rritës të energjisë elektrike.
Ndërkohë vëllai i pronarit të banesës, Fatjon Halili u arrestua si personi përgjegjës që ka kryer lidhjen e paligjshme të energjisë elektrike që shërbente për kultivimin e bimëve narkotike.