Një anije antike romake është zbuluar në Detin Mesdhe pranë brigjeve të Palermos.
Anija, e cila daton nga shekulli i dytë para Krishtit, kishte mbetur në thellësinë 92 metra pranë ishullit ‘Isola delle Femmine’. Mjeti lundrues ishte mbushur me qypa vere. Autoritetet e kanë cilësuar si zbulimin më të rëndësishëm arkeologjik të viteve të fundit.
Drejtuesja e çështjeve detare për rajonin e Siçilisë deklaroi se: “Deti Mesdhe vazhdon të na japë elementë të çmuar të rindërtimit të historisë sonë, të lidhur me tregtinë detare, me tipet e anijeve të lashta dhe transportin e kryer prej tyre.”
