Qindra letra dhe fotografi qe tregojnë marrëdhënien e ngushte te Papa Gjon Palit II me nje filozofe polako-amerikane janë zbuluar nga rrjeti britanik BBC. Behet fjale për nje miqësi me një grua te martuar, qe u be intensive dhe zgjati per me shume se 30 vjet. Letrat e Anna-Teresa Tymieniecka u mbajtën larg syve te publikut per vite te tera ne Libranine Kombetare te Polonise. Dokumentet e shkëmbyera tregojnë nje ane te panjohur me pare te atit te shenjte, qe ndërroi jete ne vitin 2005, por nuk ka asnjë te dhënë qe Papa te kete hequr dore nga betimi per te mos patur raporte seksuale. Miqësia mes tyre nisi ne vitin 1973, kur Tymieniecka kontaktoi kardinalin Karol Vojtilen, atëherë arkipeshkv i Krakovit, per te diskutuar mbi nje libër per filozofinë te shkruar prej tij. Ajo udhëtoi nga SHBA ne Poloni. Me pas nisi shkëmbimi i letrave, qe fillimisht ishin formale, por gradualisht u bene me intime me forcimin e miqësisë dhe ata nisen punën per nje version me te zgjeruar te librit. Takimet ishin ne prani te sekretarit te tij, por edhe vetëm. Ne vitin 1974 Vojtila shkruante se kishte rilexuar 4 prej letrave te Tymieniecka pasi siç thoshte, ishin kuptimplota dhe thellësisht personale. Interesante janë edhe fotografitë e papublikuara me pare qe shfaqin Papen te relaksuar. Ai dhe filozofja shëtisin dhe madje bëjnë ski ne nje vend malor, apo gjenden ne nje kamp, ndërsa Tymieniecka e takon ate edhe ne Vatikan. Nga letrat del qarte se Tymieniecka kishte ndjenja te forta per Papën, por ai shfaqet si nje njeri qe lufton me veten, per t’i dhënë nje kuptim miqësisë se tyre sipas termave te krishtere. Ndërsa shkruante se nuk gjente përgjigje per fjalët e saj, Papa e përshkruante ate si dhurate nga zoti dhe siç shkruan i kishte dhuruar asaj nje send me vlere, nje varëse. Gjon Pali II ka pasur disa mikesha femra me te cilat ka shkëmbyer letra per dekada, por korrespodenca e tij me filozofen polake vlerësohet nga me emocionueset.
