Zbulohen 942 raste të reja sot në Shqipëri, humbin jetën 5 pacientë

Këtë të martë u shënua një rritje në numrin e rasteve të reja me koronavirus, por një rënie në numrin e viktimave.

Ministria e Shëndetësisë konfirmoi se 3.856 testime të kryera kanë zbuluar 942 qytetarë pozitivë. Kurse jetën e kanë humbur pesë pacientë, të moshave 43-87 vjeç.

Në 24 orët e fundit janë shëruar 455 qytetarë, ndërsa në 4 spitalet COVID po trajtohen 405 pacientë. Nga këta 25 janë në terapi intensive dhe 10 pacientë janë të intubuar.