Zbërthehet organizata “FETO”

Organizata “FETO” me mbi 55 mijë biznese në të gjithë botën, e drejtuar nga kleriku Fetullah Gylen, është e përbërë nga struktura jolegale sekrete që zbatojë urdhrat e tij. Ky është konkluzioni i firmës private “Amsterdam And Partners Llp”, e cila është kontraktuar prej shtatë muajsh nga qeveria turrke, për të hetuar organizatën e Gylen, të cilin Ankaraja zyrtare e akuzon si përgjegjëse për tentativën për grusht shteti ne Turqi. Sipas hetuesit të kësaj firme Robert Amsterdam, organizata “FETO” ka nje hierarki vertikale thuajse të padepërtueshme. Gylen jep udhëzimet te bordi drejtues prej shtatë anëtarësh në takimet e drejtpërdrejta me ta. Më pas këto urdhra kalojnë të komitetet konsultative, të cilat i përhapin udhëzimet drejt shefave rajonal, ose imamëve që funksionojnë në shtete, qytete, rajone, provinca, mësues shkollash dhe më pas këta të fundit indoktrinojnë studentët. Oficerët ushtarak, burokratët dhe biznesmenë që operojnë në poste të ndryshme shtetërore, të cilat kanë dalë nga këto shkolla, thonë Amsterdam, i zbatojnë këto urdhra për llogari të Gylen.
Por Amsterdam pohon se ka edhe një paqartësi sa i takon shpenzimit të shumës prej 500 milion dollarësh që vijnë si mbështetje nga qeveria amerikane për rrjetin e shkollave në Kaliforni, Teksas dhe Oklahoma. Dyshohet se këto para, nuk shfrytëzohen plotësisht për edukimin por përdoren për të mbështetur aktivitet dhe biznese të tjera të klerikut Gylen. Nëse vërtetohet një gjë e tillë, atëherë kemi të bëjmë me një shpërdorim të parave të taksapaguesve amerikane shprehet Amsterdam.
Që prej nisjes së grushtit të shtetit në Turqi me 15 korrik, Ankaraja zyrtare i ka kërkuar Uashingtonit ekstradimin e Gylen. Qeveria turke mund te përdorë raportin e kësaj firme private per te mbështetur akuzat e saj mbi klerikun si orkestruesin e kryengritjes ne Turqi, ku humben jetën te paktën 240 persona.