Policia e Tiranës në bashkëpunim me prokurorinë zbardh dhe dokumenton e vrasjen e ish policit Santiago Malko.
8 persona janë shpallur në kërkim për vrasjen e kryer në datë 27 gusht 2019, në rrugën “Xhanfize Keko”.
Falë provave të administruara nga grupi, Gjykata e Shkallës së Parë Tiranë ka vendosur si masë sigurimi personal “Arrest me burg” në mungesë, ndaj shtetasve:
- D., E. D., I. S., O. L., D. A., A. M., Xh. N., (të shtatë banues në Tiranë) dhe F. H., (M.,) banues në Vlorë.
Gjykata I ka klasifikuar shtetasit e mësiperm në kuadrin e një grupi të strukturuar kriminal të dyshuarit për kryerjen e veprave penale “Vrasja me paramendim”, “Mbajtja pa leje e armëve shpërthyese dhe municionit” dhe “Vjedhja”.
Ndërkohë, më herët po për këtë ngjarje është ndaluar me urdhër të Prokurorisë së Rrethit Gjyqësor Tiranë dhe shtetasi B. T., banues në Tiranë . Ai ka dhënë informacione te vlefshme në lidhje me organizimin e vrasjes së 26 vjecarit Santiago Malko nga 8 personat e shpallur në kërkim.
Grupi hetimor gjatë veprimeve procedurale ka arritur të gjej dhe sekuestroj në cilësinë e provës materiale 8 automjete, mes tyre dhe automjetet e përdorura nga autorët për të kryer krimin, si dhe sendet e gjetura në brendësi të tyre .
