Zbardhet vendimi i GJKKO-së, e cila ka caktuar mbrëmjen e djeshme detyrim paraqitje dhe ndalim të daljes jashtë shtetit për ish-kryeministrin Sali Berisha nën akuzën për korrupsion pasiv.
Masa e sigurisë për ish-kryeministrin e vendit u dha në kuadër të hetimeve nga SPAK për privatizimin e kompleksit sportiv të klubit Partizani në kryeqytet.
Detyrim paraqitje u dha edhe për ndërtuesin Fatmir Bektashi.
Ndërkohë GJKKO ka caktuar masën e sigurisë arrest me burg për dhëndin e ish kryeministri Berisha, Jamarbër Malltezi.
Kërkesa e SPAK për arrestimin e Jamarbër Malltezit është bërë më 16 tetor. Gjyqtarja që ka caktuar masat ndaj tyre është Irena Gjoka.
