Policia e Tiranës ka arrestuar një infermiere, e cila i vidhte kartat e identitetit pacientëve në spital, për të marrë kredi në emër të tyre.

 

Në pranga ra Elisabeta Bardhollari, 39 vjeçe dhe Orjada Hoxha, 32 vjeçe, të dyja banuese në Tiranë, si dhe është proceduar penalisht A. H.

 

Në njoftim thuhet se Bardhollari, vidhte kartat e identitetit të pacientëve dhe ato ia dorëzonte shtetases Hoxha, e cila punonte shitëse në një dyqan shitjesh elektroshtëpiake.

 

Këto karta identiteti, ajo më pas i përdorte për të marrë kredi. Në cilësinë e provës materiale janë sekuestruar pajisje të ndryshme elektroshtëpiake me vlerë rreth 40. 000. 000 lekë.

Leave a Reply

Your email address will not be published. Required fields are marked *