Është zbardhur dëshmia e 33-vjeçarit grek, i cili vrau ditën e djeshme në Mikonos shqiptarin Visar Dakrama alias Julian Kosova, pas një debati që patën në një lokal në ishull.
Sipas informacioneve të protothema.gr, autori i vrasjes pretendon se ka qenë i dehur, gjë që ka ndikuar në gjykimin e tij, se në momentin e përleshjes me 34-vjeçarin shqiptar është ngatërruar dhe ka humbur vetëdijen. Ai ka thënë se i vjen keq për aktin e tij të shëmtuar, duke shpresuar se do të trajtohet me butësi nga autoritetet gjyqësore.
Të njohur të autorit pohojnë se ky nuk është krim pasioni. “Vajza për të cilën ka pasur një keqkuptim nuk ka marrëdhënie romantike me Thanasis”, tregon një person nga rrethi i tij i ngushtë për protothema.gr.
“Burri tjetër e ofendoi këtë grua dhe më pas të dy përfunduan duke u grindur. Në mjegullën e pijes gjërat morën një kthesë të pakëndshme”, shton i njëjti person. Në këtë kuadër do të zhvendoset edhe linja mbrojtëse që viktima do të ndjekë nëpërmjet avokates së tij, Elena Karigiannis, kur të vijë koha për të kërkuar falje.
