Presidentja e Komisionit Europian, Ursula Von der Lejen së bashku me presidentin e Këshillit Europian, Charles Michel dhe kryeministrin Edi Rama, do të çelin të hënën e ardhshme ne oren 14:30 konferencën ndërkombëtare të Donatorëve për Rindërtimin e Shqipërisë.
Zëdhënësja e Komisionit Europian, Dana Spinant, duke bërë të ditur axhendën Von Der Leyen, tha se pak para konferencës ne oren 14:15 te henen e 17 shkurtit, do të nënshkruhet edhe programi për mbështetjen e Shqipërisë me një vlerë prej 15 milion eurosh.
Kjo konferencë e cila organizohet nga presidentja e KE, ka për qëllim mbështetjen për fazën e rindërtimit të dëmeve të shkaktuara nga tërmeti shkatërrues i 26 nëntorit në Shqipëri.
Pjesë do të marrin edhe Banka Botërore, Fondi Monetar Ndërkombëtar, vendet antare të Bashkimit Europian , vende të Ballkanit Perëndimor, por edhe kryeministri Kanadez Justin Trudeau.
Në përfundim të konferencës, Von der Leyen dhe kryeministri Rama, do të mbajnë një konferencë të përbashkët për shtyp.
