Zaptuan pronën publike në plazh, procedohen tre persona
Tre persona janë proceduar penalisht nga policia e Durrësit pasi akuzohen se kanë zaptuar pronën publike.
Kontrolle shtuara në vijën bregdetare për lirimin e plazheve nga shezlongët e vendosur pa leje, kanë bërë që të konstatohen 3 subjekte që kishin zaptuar hapësirën publike (plazh), duke vendosur çadra dhe shezlongë pa lejen e autoriteteve përkatëse.
Për këtë arsye u proceduan penalisht shtetasit:
B. M., 29 vjeç dhe A. Sh., 26 vjeç, banues në fshatin Sektor Rinia, Durrës, pasi shërbimet e Policisë konstatuan se në vendin e quajtur “Bregu i detit Adriatik”, në fshatin Sektor Rinia, kishin vendosur çadra dhe shezlongë pa lejen e autoriteteve përkatëse.
Gjithashtu u procedua penalisht shtetasi Y. K., 53 vjeç, banues në Durrës, pasi përpara lokalit në pronësi të tij, në lagjen nr. 13, Plazh, kishte vendosur çadra dhe shezlongë pa leje.
