Zamira Durda, e cila prej 12 vitesh troket në dyert e Gjykatave, ende kërkon drejtësi për vdekjen e djalit të saj Erisonit, asokohe 7-vjeçar.
Vendimi i kësaj të premteje për të rigjykuar Fatmir Mediun për tragjedinë e Gerdecit, për Zamirën do të thotë shpresë për drejtësi.
Në një intervistë për Vizion Plus, ajo thotë se rruga është ende e gjatë, por vendimi i Apelit jep sinjale se drejtësia e re do të zbatohet edhe tek pushtetarët që deri më dje konsideroheshin si të praprekur nga ligji.
Zamira shprehet se dosja pranë SPAK është dërguar me të njëjtën akuzë kundër Mediut, ajo e shpërdorimit të dëtyrës.
Shpresa për të është që SPAK të arrijë që të faktojë akuza më të rëndë, që të mbahet përgjegjësi edhe për 26 viktimat, pra jo vetëm për shpërdorim detyre.
Nëse gjykata ende pas 12 vitesh nuk do të dënojë Fatmir Mediun, për familjen Durda, e vemtja zgjidhje është që ti drejtohen Strasburgut.
