Pasi vendosi te bojkotoje zgjedhjet e 5 qershorit, lideri i LSDM-se ne Maqedoni u drejtoi nje thirrje edhe votuesve, qe te bëjnë te njëjtën gjë. Ne një komunikim per mediat, Zoran Zaev kërkoi pastrimin urgjent të listës zgjedhore, pasi në të figurojnë më shumë se 200 mijë votues të dyshimte. Ndërsa pranoi se ditët e fundit ka vijuar komunikimi me përfaqësuesit ndërkombëtare, ai mohoi qe te ketë pasur presion prej tyre, për te mos e bojkotuar procesin. Zaev kishte edhe nje paralajmërim, se nese dështon te tërësi Marrëveshja e Përzhinos, shpërbëhet Prokuroria Speciale, çka do te thotë se ai do t’i rikthehet publikimit te te ashtuquajturave bomba. Kriza politike ne Maqedoni është thelluar, ndërsa LSDM ka gruar edhe partitë opozitare shqiptare qe t’i bashkohen asaj ne qëndrim. VMRO-DPMNE e Gruevskit dhe BDI e Ali Ahmetit janë shprehur per mbajtjen e zgjedhjeve sipas parashikimit. Ndërkohe, ambasadoret e SHBA dhe BE ne Shkup kane kërkuar përgjegjësi nga drejtuesit politike ne Maqedoni per zbatimin e marrëveshjeve dhe kryerjen e reformave. Edhe përfaqësuesja për politikë të jashtme të unionit Mogherini apeloi qe te vijoje puna për nje proces zgjedhor demokratik.
