Kryetari i LSDM-së Zoran Zaev u paraqit në presidencë duke dorëzuar firmat, me të cilat i kërkon mandatin presidentit Gjorge Ivanov.
Zaev arriti të sigurojë 67 nënshkrime, përfshirë këtu 10 nga BDI-ja, 5 nga BESA dhe 3 nga Aleanca për Shqiptarët, shkruan Alsat.
Zaev pret tani që brenda ditës ose në ditët në vijim, kreu i shtetit t’i ofrojë zyrtarisht mandatin për krijimin e qeverisë së re. Në deklaratën e shkurtër për mediat, Zaev tha se pret tranzicion të qetë të kalimit të pushtetit.
Në vizitën e tij në rezidencën presidenciale, Zaev shoqërohet nga nënkryetarja e partisë Radmilla Sheqerinska si dhe sekretari i përgjithshëm i LSDM-së Oliver Spasovski.
