Mandatari për kryeministër, Zoran Zaev dorëzoi sot në kuvend programin për Qeverinë e re.
Kreu i LSDM-së u shpreh se programi i partisë së tij, është e vendosur të luftojë pa kompromis krimin dhe korrupsionin, të bëjë pastrim të thellë në sistemin gjyqësor, por edhe përmirësimin e kushteve në shëndetin publik, sidomos pas pandemisë së koronavirusit.
Pos listës tashmë të njohur të ministrave, për ministër të Shoqërisë Informatike dhe Administratës propozohet Jeton Shaqiri, propozim ky i BDI-së.
Qeveria e re në Maqedoninë e Veriut e përbërë nga 62 deputeë, do të ketë 19 ministra, 11 prej të cilëve i takojnë LSDM-së, dhe 6 BDI e Ali Ahmetit dhe nga një ministër do të ketë Lëvizja Besa pjesë e koalicionit dhe Partia Liberal Demokrate.
