Yuri Kim takon anëtarët e KPK: SHBA mbështet pavarësinë e institucionit

Ambasadorja amerikane Yuri Kim zhvilloi një takim me anëtarët e Komisionit të Pavarur të Kualifikimit.

Kryediplomatja garantoi mbështetjen e Shteteve të Bashkuara të Amerikës që organet e drejtësisë të punojnë të pavarura.

“Kam pasur një takim të sinqertë me Komisionin e Pavarur të Kualifikimit në lidhje me presionin dhe sfidat me të cilat përballen. Unë i falënderova për punën e tyre vitin e kaluar, e cili vazhdoi, pavarësisht situatës me Covid. SHBA mbështet fuqimisht – pavarësinë dhe integritetin e KPK për hir të drejtësisë shqiptare”, tha Yuri Kim në “Twitter”.