Yuri Kim takohet me Kreun e Gjykatës së Lartë: Të plotësohen vakancat e krijuara për shkak të vettingut

Ambasadorja e SHBA në Shqipëri Yuri Kim është takuar ditën e sotme me kryetarin e Gjykatës së Lartë Sokol Sadushi.

Kim bën me dije se në takim është diskutuar për hapat për futjen në sistem të gjyqtarëve shtesë të kualifikuar për të plotësuar vakancat e krijuara për shkak të procesit të vettingut.

“Takimi produktiv me Sokol Sadushi, Kryetar i Gjykatës së Lartë. Numri i prapambetur po reduktohet, por ne ramë dakord se duhet të përshpejtojmë –
SHBA-te do të ofrojë ndihmë teknike. Gjithashtu u diskutuan hapat e ardhshëm për futjen e gjyqtarëve të kualifikuar në sistem, ndërsa vettingu vazhdon”, shkruan Kim.