Ambasadorja amerikane, Yuri Kim ka vijuar inspektimet e qendrave të votimit në zona të ndryshme të vendit. Këtë herë, Kim është ndalur në disa qendra votimi në Elbasan, ku ka parë nga afër ecurinë e procesit zgjedhor.
Më herët, Yuri Kim inspektoi disa qendra votimi në qytetin e Vlorës. Ajo deklaroi se është një vëzhguese e zgjedhjeve, ndërsa kërkoi që qytetarëve të mos iu ushtrohej presion
“Nuk duhet ushtruar asnjë presion ndaj votuesve dhe është e rëndësishme që cdo votues të ushtrojë të drejtën e tij. Asnjë nuk duhet dhe ta blejë votën dhe është përgjegjësia e autoriteteve që të zbatojnë ligjet në mënyrë të barabartë”, deklaroi Yuri Kim nga Vlora.
