Yuri Kim: Pres që Këshilli Politik të marrë vendime të zgjuara!

Vetëm pak minuta pas përfundimit të mbledhjes së Këshillit Politik për Reformën Zgjedhore reagoi ambasadorja amerikane Yuri Kim.

Pritshmëritë e saj nga këto mbledhje janë që të merren vendime të zgjuara dhe në interes të qytetarëve.

“E lumtur të dëgjoj që Këshilli Politik për Reformën Zgjedhore po bën progres. Kam takuar të gjithë anëtarët, Rudina Hajdari, Damian Gjiknuri, Oerd Bylykbashi dhe Petrit Vasili dhe besoj se ata do të marrin vendime të zgjuara. Faleminderit që po vendosni interesin e Shqipërisë të parin!”, tha Kim në “Twitter”.