Ambasadorja amerikane, Yuri Kim u bëri thirrje organeve të hetojnë këdo që përpiqet të pengojë qytetarët të votojnë lirshëm të dielën.
Diplomatja e SHBA e bëri deklaratën pas një takimi me kryeprokurorin Olsian Çela, ndërsa paralajmëroi një takim edhe me kreun e SPAK, Arben Kraja.
“Unë u takova me Prokurorin e Përgjithshëm, Çela tani, do të takohem së shpejti me shefin e SPAK Kraja, dje u takova me Drejtorin e Policisë, Veliu. 🇺🇸 Ata që shkelin ligjin dhe pengojnë të drejtën e qytetarëve për të votuar lirshëm dhe në paqe, duhet të hetohen. Asnjë trajtim i veçantë. Pa përjashtime. Askush nuk është mbi ligjin.”
Reagimi i Yuri Kim erdhi pas vrasjes së Pjerin Xhuvanit në Elbasan.
