Policia ka shoqëruar serish ne Gjykate kreun e lëvizjes Vetëvendosje Visar Ymeri. Ai mori pjese në seancën e radhës te procesit, ku akuzohet për goditjen jashtë ambienteve te Kuvendit te kolegut të tij të PDK-së Bekim Haxhiu. Në këtë seancë ku në bankën e të akuzuarve janë dhe tre deputete e anëtarë të tjerë të Vetëvendosjes, është prezantuar ekspertiza mjeko-ligjore e pales së dëmtuar. Vendimi për këtë çështje do të merret më 25 prill. Vetëvendosje e ka komentuar si një gjyq politik procesin në fjalë. Ne komunikatën e lëshuar per mediat, theksohet se ndalimet e njëpasnjëshme te kreut te partisë më të madhe opozitare, tregojnë gjendjen e sistemit te drejtësisë ne vend.
