Belgjika e fundit të viteve 80’ në raport me Belgjiken e sotme. Kush ëëhtë e përbashkëta mes asaj skuadre që shkoi deri në 4 më të mirat e boëtrorit të 1986 dhe ekipit aktual që e ka siguruar këtë objektiv dhe që kërkon të arrijë dicka më të madhe?
Ata që e kanë jetuar atë kohe do të përgjigjeshin menjehere se e përbashkëta lidhet me yjet që ka pasur ajo kombëtare dhe talentet që kanë sot djajte e kuq.
Dikur ky ekip drejtohej në fushë nga emra si Pfaf, Gerets, Elst, Verkuteren dhe mbi të gjitha dyshja Kulemans-Shifo, ndërsa sot yjet nuk janë kurrsesi më të paket, me në krye portierin Kurtua pastaj me radhë, Vitsel, Karrasko, Mertens, Chadli dhe në mënyre te veçante treshja e mrekullive që flaku jashtë Brazilin, Hazard, De Brojnë dhe Lukaku.
Skuadra e trajnerit Martinez shpesh është kritikuar se është një skuadër me shumë talent por i mungon ai stofi i kampiones që do të bënte diferencen, ai element që presupozohet se ndan ekipet e medha nga ekipet e forta.
Por e dini cfarë? A e kanë stofin e kampiones, skuadra si Gjermania, Italia, Holanda, Brazili, Spanja dhe Portugalia? Padiskutim që po..Vetëm se tani janë në shtëpi duke pritur të shohin një duel spektakolar ku protagonist do të jenë edhe yjet e Belgjikes. Belget patën rreth vetes shumë përgjegjësi që në startin botërorit pasi ishin llogaritur mes 5-7 ekipet pretendente të botërorit. Faza e grupeve e përforcoi këtë bindje pasi ekipi i Martinez mori 9 pikë duke mundur skuadra si Panamaja, Tunizia dhe Anglia.
Por paraqitja jo shumë bindese ndaj Japonisë në 1/8 bëri që shumë kritike të tërhiqeshin në mendimet e tyre duke thene se belget nuk ishin ende gati për të fituar dicka të rëndishme aq më teper që përballe do të kishin në çerekfinale një ekip superfavorit si Brazili.
Pjesa tjeter e historise dihet…Djajte e kuq fituan 2 me 1 dhe i treguan botës pse nuk duhen nenvlerësuar djemte e artë të Martinezit. Tani do të kenë përballe një ekip që i ngjan jo pak si Franca, edhe ajo me shumë yje. Por belget kanë shumë arsye për të ëndërruar. Ky është një shans i madh, shumë i madh për të bërë krenar një popull dhe për të lënë gjurme ne histori. E/Sina.
