Presidenti kinez Xi Jinping itha Presidentit Joe Biden në samiti ne tyre të fundit se Kina do të ribashkohet me Tajvanin.
Është e paqartë nëse Pekini planifikon të përdorë forcën gjatë ëprpjekjeve të tij për tu ribashkuar me Tajvanin, por Xi tregoi se ata fillimisht do të përpiqen ta bëjnë këtë në mënyrë paqësore.
Xi e ka bërë deklaratën në publik dhe ia ka thënë Presidentit Biden në mënyrë të drejtpërdrejtë gjatë samitit që synonte shkrirjen e marrëdhënieve të tyre.
Zyrtarët amerikanë theksojnë se nuk ishte befasuese duke pasur parasysh deklaratat e mëparshme të Kinës.
“Unë nuk do të hyj në specifikat e diskutimit midis dy liderëve. Mendoj se mund ta kuptoni se nuk do ta diskutoj atë bisedë private,” u tha gazetarëve të mërkurën në bordin e Air Force One, zëdhënësi i Këshillit të Sigurisë Kombëtare, John Kirby.
“Presidenti Xi ka qenë publik i qartë për dëshirat e tij për ribashkim, kjo nuk është diçka e re. Ne kemi qenë të qartë dhe presidenti ishte i qartë me Presidentin Xi se ne ende i përmbahemi Kinës së vetme. Ne nuk mbështesim një ndryshim të status quo-së në mënyrë të njëanshme dhe sigurisht jo me forcë’, shtoi ai.
I pyetur nëse përfshirja e SHBA-së në dy konflikte të gjera globale, në Ukrainë dhe Gaza e ndryshon angazhimin e tij të mëparshëm për të mbrojtur Tajvanin nga çdo veprim ushtarak kinez, Biden përsëriti qëndrimin e SHBA-së në favor të politikës së një Kine.
Ribashkimi me Tajvanin ka qenë një synim i deklaruar publikisht i Kinës për disa kohë. Kina e konfirmoi këtë gjatë samitit.
“Xi Jinping shtjelloi qëndrimin e tij parimor për çështjen e Tajvanit dhe vuri në dukje se çështja e Tajvanit ka qenë gjithmonë çështja më e rëndësishme dhe më e ndjeshme në marrëdhëniet kino-amerikane. Kina i kushton rëndësi deklaratave përkatëse pozitive të bëra nga Shtetet e Bashkuara në Bali. Shtetet e Bashkuara duhet të pasqyrojnë deklaratën e tyre se nuk e mbështesin “pavarësinë e Tajvanit” në veprime specifike, të ndalojnë armatosjen e Tajvanit dhe të mbështesin ribashkimin paqësor të Kinës. Kina përfundimisht në mënyrë të pashmangshme do të bashkohet me Tajvanin”, thuhet në raportin kinez.
Sipas inteligjencës amerikane, Xi ka udhëzuar ushtrinë e tij që “të jetë gati deri në vitin 2027” për të pushtuar Tajvanin./vizionplus.tv
