Deputetja e Partisë së Lirisë, Erisa Xhixho iu ka bërë thirrje qytetarëve për pjesëmarrje masive në zgjedhje vendore.
Përmes një deklarate për mediat, Xhixho deklaron se vota është e vetmja formë demokratike dhe e drejtë qytetare që duhet ushtruar.
Në të njëjtën kohë, deputetja e PL falenderon qytetarët që deri në këto moment kanë shprehur vullnetin e tyre në qendrat e votimit.
Xhixho thekson se kjo është një ditë e rëndësishme për të ardhmen e vendit.
Deputetja e PL-së Erisa Xhixho në një deklaratë për shtyp u bëri thirrje qytetarëve të votojnë, pasi vetëm pjesëmarrja e tyre do të sjellë ndryshimin.
“Të nderuar qytetarë, në këtë ditë të rëndësishme për demokracinë thirrja është: Votoni, votoni votoni!
Vota është forca e vetme dhe e vërtetë e qytetarit në demokraci!
Pjesëmarrja dhe vetëm pjesëmarrja do të realizojë ndryshimin e shumëpritur, i cili është sot më afër se kurrë.
Përshëndesim më shumë mirënjohje qytetarët që kanë ushtruar deri tani të drejtën e votës.
Një falënderim i veçantë dhe mirënjohje pa fund për qytetarët e shumtë shqiptarë, të cilët kanë ardhur nga jashtë vendit edhe nga shtete shumë të largëta dhe kanë ushtruar te drejtën e votës.
Shembulli i tyre është një nxitje akoma më e madhe për të votuar masivisht.
Kjo është ditë e madhe për të ardhmen tonë dhe të fëmijëve tanë ndaj të gjithë qytetarët duhet të nxitojnë drejt qendrave të votimit për të votuar.
Të nderuar qytetarë, votoni masivisht sepse vetëm pak ore na ndajnë për të vulosur Ndryshimin dhe fitoren e qytetarisë dhe të dinjitetit,” tha ajo.
