Ish-deputetja e LSI-së, Erisa Xhixho ka zgjedhur që këtë 8 mars të publikojë shifrat e grave dhe vajzave që janë vrarë e dhunuar në 9 vitet e fundit.
Përmes një postimi në “Facebook”, Xhixho bën thirrje që shoqëria të mobilizohet për të dëgjuar më shumë zërin e gruas.
“Këtë 8 Mars vendosa të protestoj me një postim… 113 gra të vrara në 9 vitet e fundit. 7 gra të masakruara në 2 muajt e parë të 2020. E dashur shoqëri duhet të mobilizohemi që t’i japim zë vajzave dhe grave që zërin e kanë humbur. Postoni një foto ose video në rrjetet sociale #harramtamblinenanës #harramqumshtinenënës për këdo që vë dorë mbi nje grua. Kjo fushtë është nisur nga regjisoria Elkjana Gjipali dhe gazetarja Zhaklina Lekatari, vleresim dhe mirënjohje për këtë iniciativë.”
