Xhafaj i përgjigjet Vasilit

Fatmir Xhafaj, kreu i komisionit të posaçëm parlamentar për reformën në drejtësi, i ka kthyer përgjigje pakënaqësive të shprehura nga LSI, aleatja kryesore e socialistëve, mbi mungesën e informacionit rreth negociatave me opozitën, në funksion të reformës në drejtësi. Xhafaj, tha se kolegu i tij Vasili ka të gjitha hapësirat e nevojshme, të ofruara gjatë diskutimeve në komisionin e posaçëm parlamentar. Reagimi i erdhi pas letrës që morri nga kryetari i grupit parlamentar të LSI-së, ku kërkoheshin detaje mbi negociatat, duke pretenduar se ky proces është një domosdoshmëri politike dhe detyrim i tij për të informuar grupin parlamentar të LSI, me qëllim formimin e një qëndrimi politik.