Xhaçka: Të heqim fëmijët nga rruga

Lypja ne rrugët e Tiranës ishte e vetmja e mundësi qe kjo grua dhe katër fëmijët e saj te mbijetonin. Me miratimin e ligjit per mbrojtjen e fëmijëve, Esmeralda u tërhoq nga rruga me shpresën e ofrimit te nje pune. Fëmijët e saj hynë ne shkolle, por serish pasditeve detyrohen te mbledhin kanace ne koshat e mbeturinave derisa t’u jepet nje zgjidhje përfundimtare.

Ne te gjithë vendin janë rreth 2500 fëmije ne rruge dhe sistemimi i tyre përmes ofrimit te shërbimeve nga pushteti lokal nuk është nje proces i lehte. Ministria e mirëqenies sociale kërkoi angazhimin e te gjitha palëve ne ketë proces.

Deri tani janë hequr nga rruga 430 te mitur, kryesisht ne Tirane, ndërsa u janë ofruar shërbime ne qendra te posaçme dhe punësim për familjet.