Sekretari i përgjithshëm i NATO-s Jens Stoltenberg, vlerëson angazhimin e Shqipërisë, në përmbushjen e detyrimet te ndërmarra në kuadër të buxhetit, në fushën e mbrojtjes.
Gjatë takimit me ministren e mbrojtjes Olta Xhaçka në Bruksel, shefi i aleancës së Atlantikut të Veriut, po ashtu vlerësoi kontributin njerëzor të vendit tonë në misionet paqeruajtëse.
Nga ana e saj, ministrja Xhaçka informoi sekretarin Stoltenberg se qeveria shqiptare synon që brenda vitit 2024,2% e prodhimit të brendshëm bruto t’i dedikohet fushës së mbrojtjes.
