Kandidatja për deputete e PS, Olta Xhaçka u shpreh e kënaqur me rezultatin që PS mori në Qarkun e Korçës, ku siguroi gjashtë mandate.
Në një intervistë për “Zgjedhje 2021” në “Vizion Plus”, me gazetarin Roland Zili, Xhaçka tha se PS ka marrë rreth 10 mijë vota plus në këtë qark, çka i ka dhënë fitoren.
“Kishim objektiv 6 mandate në Qarkun e Korçës, rezultati ndahet me rreth 10 mijë vota plus për PS, çimentim të mandatit të saj të gjashtë. Sa i takon Kolonjës, pavarësisht se është një bashki me pak popullsi, kemi patur një fitore jashtëzakonisht të madhe, krahasuar me veten apo edhe në raport me kundërshtarët tanë. Morëm më shumë se 53% të votave. Jam shumë e emocionuar, krenare, për gjithsecilin që ka punuar atje, me një organizim të jashtëzakonshëm që kemi patur atje, për të korrur këtë fitore. Zgjedhësit shqiptarë folën. Duhet ti japim dorën njëri-tjetrit dhe tëgfokusohemi tek puna.”
