Wanda Nara thotë se e ardhmja e bashkëshortit të saj, Mauro Icardi është me fanelën e Interit.
Topmodelja e njohur argjentinase e cila është njëkohësisht edhe menaxherja e sulmuesit zikaltër ka hedhur poshtë edhe zërat për një shkëmbim të mundshëm mes Icardit dhe Dybalës.
Wanda nuk ka dashur të bëjë as polemika në lidhje me aktivizimin apo jo të Icardit si titullar nga trajneri.
“Zgjedhjet teknike janë të Spalletit. Është detyra e tij që ta bëjë skuadrën më të mirë”.
Wanda Nara komentoi edhe dështimin e Juventusit në Champions.
“Ronaldo ka firmosur për 3 vjet me Juventusin, kështu që ka kohë ende për të kuptuar nëse do të kemi të bëjmë me një dështim apo jo. Të gjithë atë që Ronaldo mund të bënte në champions, e bëri kundër Atleticos”, u shpreh gruaja e Icardit në emisionin “Tiki Taka”.
