Ish-ambasadorin e Misionit të OSBE-së në Kosovë, William Walker këtë të dielë ka zhvilluar një takim me presidentin e Kosovës Hashim Thaçi.
Ish ambasadori në fjalën e tij ka bërë thirrje që sa më shpejt të formohen institucionet e vendit.
“Unë mendoj që Kosovës i duhet një qeveri, ju i keni humbur 100 ditë, sot është dita e 101 apo 102, po shpresoj që nuk do të zgjasë edhe shumë çështja e formimit të qeverisë, dhe Kosova të kthehet në rrugën e progresit, atë që të gjithë në Kosovë e duan , dhe ajo cila është më e rëndësishme të jetë një vend i suksesshëm në Evropën Qendrore”.
Gjithashtu Walker ka kërkuar që Thaçi të shkoj në pushim, pasi tashmë ai është thinjur.
“Të ju jepni këtyre burrave një pushim, ai është bërë gogja i qetë, i thinjur, mirëpo edhe me një pamje më të hijëshme, kështu që jepuni një pushim dhe ju lutem mos i merrni gjërat siç u morën në një kafe në Shtime. Kur unë isha duke ia dhënë një libër dhe isha duke i treguar një temë të rëndësishme nga libri, dhe dukshëm kur ishim duke e shikuar librin nga prapa, një gazetar mendoi se kjo paraqet diçka shumë domethënëse se nuk ia kam zgjatur dorën presidentit, kështu që nëse nuk e ke problem do ta zgjas dorën edhe një herë”.
