Kushtet atmosferike dhe shpërthimi i vullkaneve në malin Kusatsu-Shirane në Japoni, rrezikuan jetën e qindra turistëve dhe banorëve atje.
Një ushtar humbi jetën dhe 14 persona u plagosën, disa prej të cilëve në gjendje të rëndë, si pasojë e aktivizimit te vullkanit. Shpërthimi i llavës dyshohet se shkaktoi edhe një ortek, i cili goditi një resort skish në Japoni. Gjashtë anëtarë të ushtrisë kishin shkuar për të shpëtuar 4 persona që kishin ngecur në teleferik, ndërsa të paktën 78 skiatorë vazhdojnë të jenë ende të bllokuar në një shtëpi pushimi në majë të malit.
Megjithatë, autoritetet nuk e konfirmuan zyrtarisht nëse ishte vullkani qe shkaktoi në të vërtetë ortekun. Mediat shtetërore publikuan videot ku shihej një re e madhe hiri qe mbuloi malin.
Ndërkohë, autoritetet kanë paralajmëruar njerëzit të mos ngjiten në malin ku gjenden vullkanet.
