Presidenti serb u takua në Shtetet e Bashkuara me sekretarin e shtetit, Mike Pompeo. Kryediplomati amerikan theksoi se gjatë takimit me Vuçiç u diskutua për rikthimin e dialogut mes Serbisë e Kosovës.
MIKE POMPEO
SEKRETARI AMERIKAN I SHTETIT
Takim me presidentin serb, Aleksandar Vuçiç, për të diskutuar mbi rëndësinë e kthimit në dialog me Kosovën dhe reformat e nevojshme për ta bërë Serbinë anëtare të Bashkimit Evropian. Ne jemi të gatshëm t’i mbështesim të dyja proceset.
Ndërkaq në një deklaratë të Departamentit të Shtetit, thuhet se “Sekretari Pompeo inkurajoi presidentin Vuçic të vazhdojë perpjekjet per dialogun ndersa pershendeti marreveshjet për linjën ajrore dhe hekurudhore midis Prishtinës dhe Beogradit”.
Javën e shkuar sekretari amerikan i Shtetit u takua edhe me presidentin e Kosovës, Hashim Thaçi, të cilit i kërkoi heqjen e tarifës ndaj mallrave serbe, si mënyra e vetme për t‘i hapur rrugën dialogut.