Presidenti serb Aleksandar Vuçiç u takua këtë të enjte me Papa Françeskun në Vatikan.
Kreu I shtetit serb tha për mediat e Beogradit se Vatikani do të vijojë të ruajë pozicionin e tij duke mos e njohur Kosovën si një shtet te pavarur.
ALEKSANDAR VUÇIÇ
PRESIDENT I SERBISE
Vatikani nuk do të ndryshojë qëndrimin e tij për të njohur pavarësinë e shpallur në mënyrë të njëanshme të Kosovës. Vatikani dëshiron bisedime dhe një zgjidhje paqësore midis serbëve dhe shqiptarëve.
Në lidhje me deklaratat e një dite më parë të presidenti cek se vendi i tij do të tërheqë njohjen e Kosovës, Vuçiç tha se nuk duhet të ketë pritshmëri shumë të larta.
ALEKSANDAR VUÇIÇ
PRESIDENT I SERBISE
Do të donim shumë, por nuk mendoj se është realiste. Shtetet nuk mund të bëjnë gjëra të tilla aq lehtë, veçanërisht nëse ata janë në një bllok të caktuar. Nuk duhet të presim shumë.
Përpara vizitës në Vatikan Vuçiç u takua edhe me kryeministrin Italian Giuseppe Conte.
VUÇIÇ TAKON PAPA FRANÇESKUN
“VATIKANI I VENDOSUR TE MOS NJOHE PAVARESINE E KOSOVES”