Vuçiç: Serbia do të marrë vaksinën Pfizer brenda dy-tri ditësh

Serbia pritet të ketë shumë shpejt në dispozicion dozat e para të vaksinës Pfizer kundër koronavirusit. Diçka të tillë e konfirmoi presidenti serb, Aleksandër Vuçiç. Sipas tij, brenda dy-tri ditësh do të mbërrijnë vaksinat e para.

“Vaksinimi ka rëndësi thelbësore, ata thonë se është çështje komoditeti, por është çështje e jetës sonë. Unë besoj se ne do të marrim vaksinat e para ‘Pfizer’ në dy ose tri ditët e ardhshme.”

Vuçiç shtoi se Serbia pritet të marrë vaksina edhe nga Kina dhe nga kompania amerikane Moderna.