Presidenti i Serbisë, Aleksandar Vuçiç tha gjatë një konference për mediat se do të kërkojë që Bashkimi Evropian të luajë një rol më të rëndësishëm politik në dialogun Kosovë-Serbi.
Ai tha se Beogradi do të përballet me një verë dhe vjeshtë të vështirë sa i përket çështjes me Kosovën.
“Askush nuk dëshiron të na japë asgjë, ata do të na bëjnë presion për të humbur. Ja pse ne kemi nevojë për unitet.”
Më 10 korrik, pritet të mbahet një samit virtual mes Kosovës dhe Serbisë, nën ndërmjetësimit e presidentit francez, Emmanuel Macron dhe kancelares gjermane, Angela Merkel. Ky samit ka për qëllim lehtësimin e normalizimit të marrëdhënieve ndërmjet Kosovës dhe Serbisë.
