Njohja e Kosovës nga Serbia nuk është zgjidhja e duhur për Ballkanin Perëndimor. Presidenti Aleksandër Vuçiç, duke i referuar thirrjeve të përsëritura nga Shtetet e Bashkuara të Amerikës tha se njohja nuk ka për të ndodhur.
ALEKSANDER VUÇIÇ
PRESIODENT I SERBISË
“Nëse dikush mendon se stabiliteti i Ballkanit Perëndimor do të ndërtohet në mënyrë që serbët të poshtërohen, kjo nuk do të jetë e mundur.Nuk besoj se njohja e Kosovës do te coje në stabilizim në rajon.”
Kreu i shtetit serb është ndalur edhe tek paralajmerimi për ngritjen e bazës së Forcës së Sigurisë së Kosovës në Mitrovicën e Jugut dhe pjesëmarrja e saj në stërvitjen ushtarake të NATO-s.
“Unë besoj se paqja dhe stabiliteti do të ruhen në Kosovë dhe Metohi. Kjo nuk është as përpjekja e parë dhe as e fundit e palës shqiptare për të treguar se si ata mund të bëjnë atë që duan, pa shumë përgjegjësi. Unë nuk kam çfarë tjetër të them.”
Një ditë më parë Sekretari Amerikan i Shtetit, Antony Blinken përmes një letre zyrtare i tërhoqi vëmendjen presidentit serb që të respektojë vullnetin e washingtonit dhe të njohë Kosovën të pavarur.
