Vuçiç kërkon ndihmën e SHBA, për taksën 100 % të vendosur nga Kosova

Presidenti i Serbisë, Aleksandar Vuçiç është takuar këtë të martë me  ambasadorin amerikan në Beograd, Kyle Scott, që Shtetet e Bashkuara të shfrytëzojnë ndikimin e tyre politik dhe të paralajmërojnë Prishtinën se me veprimet e saj po kërcënon paqen dhe stabilitetin në rajon.

“Këmbëngulja e Prishtinës në tatimin e mallrave nga Serbia Qendrore dhe për më tepër në formimin e Ushtrisë së Kosovës nxit shqetësim serioz në Serbi për të ardhmen e popullit serb në Kosovë”.

Reklamë

I njëjti ka cituar ambasadorin Scott të ketë thënë se me vendosjen e taksës, Prishtina ka shkelur dispozitat e marrëveshjes për tregti të lirë, CEFTA, dhe ka kërcënuar të ardhmen e rajonit. Scott po ashtu ka kujtuar që Sekretari amerikan i Shtetit, Mike Pompeo u ka bërë thirrje autoriteteve kosovare që ta heqin taksën mbi mallrat e importuara nga Serbia dhe Bosnjë Hervcegovina.