Kreu i Partisë Përparimtare serbe, Aleksandër Vuçiç arriti një fitore të thellë në zgjedhjet e reja parlamentare ne Serbi, ndërsa përballet me një opozitë të fortë proruse të drejtuar nga Sheshel. Pjese e parlamentit te ri serb do te jete edhe nje deputet shqiptar nga Lugina e Preshevës, nga Partia per Veprim Demokratik, e vetmja parti shqiptare qe mori pjese ne zgjedhje. Ai eshte Fatmir Hasani. Nga ana tjetër, ne zgjedhjet lokale të mbajtura në komunën e Preshevës, rezulton se si Presheva ashtu dhe Bujanoci do të vijojnë të udhëhiqen nga shqiptaret. Në zgjedhjet lokale në komunën e Preshevës ka fituar Partia Demokratike Shqiptare e kryetarit te saj Ragmi Mustafa, ndërsa në Bujanovc Partia per Veprim Demokratik e ish-kryetarit të komunës, Shaip Kamberit. Në zgjedhjet parlamentare, partia e drejtuar nga Vuçiç c ka fituar 48.3% të 250 vendeve në kuvendin serb. Partia e dytë më e madhe është partia socialiste e Serbisë e drejtuar nga Dacic me 11.23%. Nuk përjashtohet një koalicion i ri mes këtyre dy forcave, më qëllim ndërmarrjen e reformave të kërkuara nga Bashkimi Europian. Por qeveria e re në Serbi do të përballet me një opozitë të ashpër te linjës pro-ruse, e kryesuar nga partia radikale e Vojsllav Sheshel me 7.4%. Kjo është dhe forca e tretë me pozitat më të forta në parlament. Ndërsa Partia Demokratike e ish-presidentit Tadic ka marre 5.4% të votave.
