Presidenti i Serbisë, Aleksandër Vuçiç ka komentuar deklaratat e kryeministrit të Kosovës, Ramush Haradinaj, se tarifa ndaj mallrave serbe nuk do të shfuqizohet derisa Beogradi ta njohë Kosovën.
Sipas Vuçiç deklaratat e tij janë “lajm dhe sinjal i keq për tërë rajonin”. Në një prononcim për mediat ai është shprehur se Serbia është e fortë dhe do të “luftojë deri në fund”.
“Ata mund ta bëjnë këtë dhe të mbesin edhe më tutje aleatët e afërt të dikujt”.
Presidenti serb gjithashtu ka njoftuar se të mërkurën do të takojë kancelaren gjermane, Angela Merkel, nga e cila do të kërkojë që ta ndihmojë Serbinë për shumë çështje përfshirë Kosovën.
