Pak dite pas ngjarjeve ne Karolinen e Veriut dhe Oklahoma, ku policia qëlloi per vdekje dy persona me ngjyre te paarmatosur, nje tjetër rast i vrasjes se nje afro-amerikani është shënuar ne Kaliforni. Nje polic hapi zjarr ndaj nje personi, pasi dyshonte se ai ishte i armatosur. Si pasoje e plagëve te marra ai ndërroi jete ne spital. Por motra e viktimës hodhi poshtë pretendimet e policisë, duke treguar se ai nuk mbante arme dhe vuante nga probleme mendore. Ajo postoi edhe nje video ne internet, ku akuzonte policinë per vrasjen. Kjo ngjarje e ndodhur ne El Cajon solli reagimin e qindra banoreve qe u grumbulluan ne proteste përpara stacionit te policisë. Agjentet sqaruan se kishin dyshime se afro-amerikani mbante ne duar nje arme, pasi sillej ne menyre te çuditshme ne trafik dhe kur i kërkuan te ndalonte nxori nga xhepi nje objekt dhe ua drejtoi. Me pas ata kuptuan se nuk kishte qene arme. Vrasjet e javëve te fundit te njerëzve me ngjyre kane shtuar akuzat ndaj forcave te policisë. Protesta te dhunshme ndodhen ne Charlote, ku demonstruesit kërkuan qe te ndalen akte te tilla. Sipas nje studimi te publikuar ne muajin korrik, rastet e dhunes se policisë ndaj njerëzve me ngjyre ne SHBA jane sa trefishi i atyre ndaj te bardhëve.
