Një ngjarje tronditëse ka ndodhur në Pennsylvania, ku një 11-vjeçar akuzohet se qëlloi për vdekje babait adoptues brenda banesës së familjes, pas një debati për një kasetë lojërash. I mituri, Clayton Dietz, është paraqitur me pranga në Gjykatën e Qarkut Perry dhe pritet të gjykohet si i rritur për veprën e rëndë.
Ngjarja ka ndodhur më 13 janar, në zonën Duncannon, në veri të Harrisburg. Sipas autoriteteve, prindërit i kishin hequr djalit “Nintendo” dhe e kishin vendosur, bashkë me një armë zjarri, në një kasafortë brenda shtëpisë.
Sipas dosjes hetimore, 11-vjeçari ka gjetur çelësat e kasafortës, e ka hapur dhe ka marrë revolen. Ai dyshohet se e ka mbushur armën me plumba dhe është drejtuar drejt dhomës së gjumit, ku 42-vjeçari Douglas Dietz po flinte. Më pas, e ka qëlluar në kokë ndërsa ai ishte në gjumë.
Clayton Dietz, 11-vjeçari, i cili u birësua në vitin 2018 përballet me akuzën për vrasje dhe do të gjykohet si i rritur.
🤯An 11-year-old shot his adoptive father to death because his Nintendo was taken away
Clayton Dietz’s parents told him to go to bed after midnight. He “got mad,” went looking for his Nintendo Switch in the gun safe, found the keys, and then discovered a revolver.
He then shot… pic.twitter.com/EdPPrwi7ny
— NEXTA (@nexta_tv) February 21, 2026
Policia mbërriti në vendngjarje rreth orës 03:20 të mëngjesit, pas një telefonate për të shtëna me armë. Oficerët gjetën viktimën me plagë fatale në kokë, ndërsa djali thuhet se bërtiste se “babai është i vdekur”, duke pranuar para nënës së tij se e kishte vrarë.
Gjatë marrjes në pyetje, i mituri ka deklaruar se ishte i zemëruar dhe se nuk kishte menduar për pasojat e veprimit të tij. Nëna e viktimës dëshmoi se u zgjua nga një zhurmë e fortë dhe ndjeu një erë si fishekzjarrë, përpara se të kuptonte se bashkëshorti i saj ishte qëlluar.
Rasti ka shkaktuar reagime të forta në SHBA, duke rihapur debatin mbi aksesin e të miturve në armë dhe mbi mundësinë që një fëmijë i kësaj moshe të gjykohet si i rritur për një krim kaq të rëndë. Hetimet vijojnë, ndërsa priten vendimet e mëtejshme të gjykatës.
/vizionplus.tv
