Pas gati dy javësh ka marrë fund arratia e autorit të vrasjes së mjekut Ilir Alija në Shkodër. Dritan Ymeri pas disa negociatave u dorëzua në Drejtorinë e Policisë. 42-vjeçari Ilir Alija me profesion mjek u qëllua tre herë nga Dritan Ymeri. Viktima dhe autori ishin fqinj, ndërsa shkak u bë një konflikt për shtesë kati në banesë, e cila po ndërtohej nga Ilir Alija. Pas debatit, Ymeri qëlloi 3 herë me armë zjarri mbi Alijan dhe për pasojë mjeku gjeti vdekjen e menjëhershme. Per vrasësin gjykata e Shkodrës kishte caktuar masën e arrestit me burg ne mungese.
