Vrau me thikë babain, policia: Pas ngjarjes, 25-vjeçari është arratisur

Policia e Durrësit ka reaguar pas ngjarjes së rëndë që u shënua mesditën e kësaj të marte.

Sipas bluve të qytetit bregdetar, autori është Marian Kodheli 25 vjeç, i cili ka qëlluar me thikë babain e tij Pjetër Kodheli 69 vjeç.

Lexo edhe :

Balluku prezanton Liburn Aliun, ish-ministri i qeverisë Kurti në krye të Portit të Durrësit

Pasi vrau babain, 25-vjeçari shkoi tek lokali i motrës, si ndodhi krimi i rëndë në Durrës

Autori, i cili dyshohet që të jetë me probleme të shëndetit mendor, pas ngjarjes së rëndë është larguar.

Uniformat blu kanë rrethuar zonën dhe po kryejnë kontrolle intensive, me qëllim kapjen e 25-vjeçarit.

“Rreth orës 13:00, shtetasi M. K., 25 vjeç, dyshohet me probleme të shëndetit mendor, ka vrarë me mjet prerës (thikë), babanë e tij, shtetasin P. K., 69 vjeç, në banesën e tyre, në fshatin Shkallnur.

Shërbimet e Policisë, menjëherë pas njoftimit, kanë shkuar në vendngjarje, kanë rrethuar zonën dhe po kryejnë kontrolle intensive, me qëllim kapjen e 25-vjeçarit.

Ndërkohë, grupi hetimor po punon për zbardhjen dhe dokumentimin e rrethanave të rastit”, njofton policia.