Vrau foshnjen 9-muajshe/ 46-vjeçarja me probleme mendore, fshihej në fshat

Zbulohen të tjera detaje për Irena Zerian që akuzohet se ka mbytur me duar fëmijën e saj 9-muajshe në vitin 1995. Pas arrestimit nga autoritetet greke, ajo u arratis në vitin 1997.

Qysh nga ai vit dhe deri më sot kur u prangos nga policia shqiptare, 46-vjeçarja jetonte në fshatin Miras të Devollit.

Ajo jetonte bashkë me bashkëshortin dhe dy fëmijët e tjerë. Banorët e fshatit nuk dinin gjë për historinë e saj. Disa prej tyre, pohojnë se ajo vuante nga probleme të shëndetit mendor dhe për këtë arsye kurohej prej vitesh.