Operacioni Forca e Ligjit iu ka dërguar këtë të martë formularin e vetëdeklarimit për burimin e pasurisë tre personave të tjerë nga Fieri dhe Vlora.
Burimin e pasurisë duhet ta justifikojnë shtetasit:
Aleksandër Llandajt, banues në Vlorë, i dënuar për veprën penale “Vrasje kundër dy ose më shumë personave”;
Vladmir Çilotaj, banues në Fier, për të cilin Gjykata e Shkallës së Parë Fier ka caktuar masën e sigurisë “Arrest në burg”, për veprat penale “Prodhim dhe shitje narkotikësh” e kryer në bashkëpunim dhe “Prodhim dhe fabrikim i lëndëve narkotike dhe psikotrope”;
Shpëtim Çilotaj, banues në Fier, për të cilin Gjykata ka caktuar masën e sigurisë “Arrest në burg”, për veprat penale “Vrasje me paramendim” dhe “Shfrytëzim prostitucioni”;
Ata duhet t’u përgjigjen me shkrim të gjitha pyetjeve të OFL-së brenda 48 orësh.