Myftar Pasha është arrestuar nga Policia e Tiranës këtë të dielë lidhur me vrasjen e ndodhur tek Liqeni Artificial mbrëmjen e të shtunës.
Ai akuzohet për moskallëzim krimi lidhur me vrasjen e 62 vjeçarit Haxhi Baçinozi.
56 vjeçari, Pasha dyshohet se është shokë me autorin e vrasjes së Haxhi Baçinozi që tashmë është identifikuar nga policia dhe është shpallur në kërkim.
Sipas policisë, ky shtetas në momentin e vrasjes së Baçinozi, dyshohet se ka qënë me autorin e vrasjes dhe nuk ka kallëzuar krimin.
Haxhi Baçinozi u ekzekutua të shtunën teksa po bënte vrap tek liqeni së bashku me të birin e tij të mitur.
Ai u qëllua disa herë me pistoletë nga një person i maskuar, I cili u ndihmua nga një I dytë për t’u larguar me shpejtësi nga vendi I ngjarjes.
Shkak I vrasjes dyshohet të ketë qenë një borxh I viktimës.