Vrasja në Vlorë, arrestohen tre persona

Tre persona kanë rënë në prangat e policisë së Vlorës në lidhje me vrasjen e ndodhur pasditen e të dielës në zonën e kabinave në Plazhin e Vjetër.

Policia ka njoftuar se janë arrestuar shtetastit A.H., 48 vjeç,  N.H., 57 vjeç, A.H., 56 vjeç, të tre banues në Vlorë.

Këta shtetas sipas policisë, në bashkëpunim me njëri-tjetrin në lagjen “1 Maji”, pas një konflikti për motive të dobëta kanë goditur fizikisht shtetasin Stavro Minom, 56 vjeç, I cili për pasojë ka gjetur vdekjen.

Tre të arrestuarit akuzohen për veprën penale “Vrasje me dashje” kryer në bashkëpunim.